पुण्यात PPF कशापासून संरक्षण देते?
पेंट प्रोटेक्शन फिल्म म्हणजे थर्मोप्लास्टिक पॉलियुरेथेन (TPU) चा पारदर्शक थर, जो प्रेशर-सेन्सिटिव्ह ॲडहेसिव्हने पेंटवर चिकटतो. फिल्म मऊ असते, त्यामुळे कडक क्लिअर कोटवर टवका पाडणारा मार ती स्वतःवर घेते. पुण्याच्या रस्त्यांवर ती चार प्रकारच्या नुकसानापासून वाचवते:
- हायवेवरचे स्टोन चिप्स. मुंबई–पुणे एक्सप्रेसवेवर ट्रकमागून उडणारी खडी वेगात बंपर, बॉनेटची कड आणि आरशांवर आदळते. लोणावळ्याच्या पहिल्या ट्रिपनंतर दिसणारे टवके हेच.
- पक्ष्यांची विष्ठा आणि झाडांचा चीक. पेठांमधल्या जुन्या झाडांखाली गाडी लावणाऱ्यांना हे वेगळं सांगायला नको. उन्हात तापून हे दोन्ही क्लिअर कोटवर खोल डाग पाडतात; फिल्मवरून मात्र पुसले जातात.
- पावसाळ्यातली रेती आणि चिखल. दरवाज्यांच्या खालच्या भागावर, सिलवर आणि चाकांच्या कमानींमागे उडणारा मारा.
- रोजच्या घासल्याच्या खुणा. दरवाज्यांच्या कडा, हँडलमागचे कप, आणि बॅगा ओढल्या जातात तो मागच्या बंपरचा वरचा भाग.
फिल्म डेंट थांबवत नाही, आणि जोराच्या धडकेत फाटूही शकते. पण नुकसान अशा थरावर होतं, जो पॅनलनिहाय बदलता येतो.
सेल्फ-हीलिंग फिल्म कशी काम करते?
उदाहरण म्हणून Garware ची Premium फिल्म घ्या. तिच्या डेटा शीटनुसार १.१-मिल ॲडहेसिव्हवर ६-मिलचा TPU थर, आणि त्यावर ०.५-मिलचा सेल्फ-हीलिंग टॉप कोट असतो: एकूण सुमारे १९० मायक्रॉन. टॉप कोट लवचीक असल्याने धुताना पडलेले बारीक स्वर्ल्स उन्हाच्या किंवा कोमट पाण्याच्या उष्णतेने सपाट होतात. टॉप कोट कापून TPU पर्यंत गेलेला ओरखडा मात्र तसाच राहतो.
फ्रंट PPF की फुल बॉडी?
| कव्हरेज | साधारण पॅनल | कोणासाठी योग्य | स्टुडिओतील साधारण वेळ |
|---|---|---|---|
| फ्रंट (हाय-इम्पॅक्ट) | पुढचा बंपर, बॉनेट, पुढचे फेंडर, आरसे, हेडलॅम्प | हायवे ट्रिप्स, बजेटमधली नवी गाडी | १–२ दिवस |
| फ्रंट + जास्त घासले जाणारे भाग | फ्रंट किटसोबत दरवाज्यांच्या कडा, हँडल कप, सिल, मागच्या बंपरचा वरचा भाग | रोजचा शहरातला वापर, फॅमिली कार | २–३ दिवस |
| फुल बॉडी | प्रत्येक पेंटेड पॅनल | गडद रंग, नव्या SUV, मॅट लूक, दीर्घकाळ ठेवायची गाडी | ३–५ कामकाजाचे दिवस |
हा साधारण वेळ आहे, फिल्म सेट होण्याचा वेळ धरून. नेमका वेळ बुकिंग करताना सांगतो.
ग्लॉस की मॅट PPF?
ग्लॉस फिल्ममुळे गाडी कंपनीतून आल्यासारखीच दिसते. Garware च्या स्पेसिफिकेशननुसार त्यांच्या ग्लॉस फिल्म्स ६०° च्या प्रमाणित चाचणीत ८५ पेक्षा जास्त ग्लॉस युनिट्स देतात; मॅट फिल्म त्याच चाचणीत २०–३० वर येते. म्हणूनच ग्लॉस पेंट मॅट फिल्मखाली सॅटिन दिसतो. मॅट फिल्म दोन प्रकारच्या मालकांसाठी योग्य: ज्यांना रिपेंट न करता सॅटिन लूक हवा आहे, आणि ज्यांच्या गाडीला कंपनीचाच मॅट पेंट आहे व त्याची चमक न वाढवता संरक्षण हवं आहे.
Garware ची कोणती ग्रेड निवडावी?
आम्ही Garware फिल्म्सचं काम करतो. या फिल्म्स Garware Hi-Tech Films बनवते, जी छत्रपती संभाजीनगरची, म्हणजे आपल्या महाराष्ट्रातलीच कंपनी आहे. खालचे आकडे Garware ने स्वतः प्रसिद्ध केलेले आहेत:
| Garware ग्रेड | जाडी (नॉमिनल) | फिनिश | Garware ची प्रकाशित ई-वॉरंटी |
|---|---|---|---|
| Plus | १६० मायक्रॉन (५-मिल TPU) | ग्लॉस | ५ वर्षं; मुख्य कव्हर क्रॅकिंग, आणि कार्डच्या कव्हरेज कलमात पिवळेपणाचाही उल्लेख |
| Premium | १९० मायक्रॉन (६-मिल TPU) | ग्लॉस | ८ वर्षं, क्रॅकिंग व पिवळेपणाविरुद्ध |
| Matte | १९० मायक्रॉन (६-मिल TPU) | मॅट | ५ वर्षं, क्रॅकिंग व पिवळेपणाविरुद्ध |
ही वॉरंटी Garware ची आहे, आमची नाही, आणि तिच्या अटी महत्त्वाच्या आहेत. Garware च्या वॉरंटी कार्डनुसार ती ट्रान्सफर होत नाही, बदली फिल्म देते पण मजुरी देत नाही, आणि दर सहा महिन्यांनी मेंटेनन्स बंधनकारक आहे. खालचा पेंट, फिल्म बसवण्याची पद्धत आणि बसवणारा यांबद्दलही अटी आहेत. पूर्ण कार्ड्सच्या लिंक खालील स्रोतांमध्ये आहेत. तुमच्या ग्रेडच्या अटी काम सुरू करण्याआधी आम्ही तुमच्यासोबत वाचतो.
PPF की सिरॅमिक कोटिंग?
| वैशिष्ट्य | PPF | सिरॅमिक कोटिंग |
|---|---|---|
| काय आहे | १६०–१९० मायक्रॉनची TPU फिल्म | काही मायक्रॉनचा, कडक झालेला सिलिका (SiO2) थर |
| स्टोन चिप्स | मार झेलते | फारसं संरक्षण नाही |
| बारीक स्वर्ल्स | टॉप कोट उष्णतेने भरून येतो | काही प्रमाणात रोखतं; भरून येत नाही |
| पाणी घसरणं, सोपी धुलाई | हो, हायड्रोफोबिक टॉप कोटमुळे | हो, हाच मुख्य फायदा |
| फिनिश | ग्लॉस किंवा मॅट | चमक वाढवतं |
| दोन्ही एकत्र? | फिल्मवर कोटिंग लावता येतं | कोटिंगवर फिल्म लावू नये |
थोडक्यात: फिल्म टवके थांबवते, कोटिंग धुलाई सोपी करतं. अनेक जण पुढच्या भागाला फिल्म आणि बाकी गाडीला कोटिंग करतात. सविस्तर तुलना आमच्या PPF vs सिरॅमिक कोटिंग मार्गदर्शकात (इंग्रजी) वाचा, किंवा पुण्यात सिरॅमिक कोटिंग हे पेज पहा.
PPF आम्ही इनडोअरच का बसवतो?
Garware च्या डेटा शीटनुसार फिल्म बसवताना पृष्ठभाग आणि हवेचं तापमान २०°C ते ३०°C दरम्यान हवं, जागा धूळमुक्त हवी आणि थेट ऊन नको. एप्रिलच्या दुपारी पुण्यातल्या उघड्या पार्किंगमध्ये यातलं काहीच जुळत नाही. पिंकस्टुडिओत गाडी आतच राहते, LED छताखाली. तिथे फिल्म लावण्याआधी धुळीचा प्रत्येक कण आणि प्रत्येक कड स्पष्ट दिसते.
पुण्यात PPF चे कोट इतके वेगवेगळे का असतात?
“फुल-बॉडी PPF” चे दोन कोट दोन वेगळ्याच कामांचे असू शकतात. तुलना करताना हे तपासा: फिल्मचा ब्रँड आणि नेमकी ग्रेड, कोणते पॅनल कव्हर होतात, फिल्म कडांवरून आत वळवली जाते की कडेच्या अलीकडेच थांबते, पेंट करेक्शन धरलं आहे का, आणि वॉरंटी कोणाची. पुण्यातील साधारण मार्केट रेंज आमच्या PPF किंमत मार्गदर्शकात (इंग्रजी) आहेत. तुमच्या गाडीचं मॉडेल पाठवा; हे सगळं स्पष्ट लिहिलेला कोट आम्ही पाठवतो.
बुकिंगसाठी तयार?
गाडीचं मॉडेल, कोणतं कव्हरेज हवं, आणि ग्लॉस की मॅट, एवढं पाठवा. आम्ही पर्याय आणि कोट पाठवू. किंवा गाडी घेऊन थेट मंगळवार पेठेतल्या पिंकस्टुडिओत या; कव्हरेज आणि फिनिश पॅनल-दर-पॅनल तुमच्यासोबत ठरवू.
